Алматыдағы музей қоры мен мұрағат, ұлттық кітапхана бүлінген жоқ кеше, 16:52
Мәдениет және спорт министрлігі өкілі Алматыдағы Орталық мемлекеттік музей мен Ұлттық кітапханаға шабуыл жасалғанын мәлімдеді, - деп хабарлайды Tengrinews.kz тілшісі.
"Қазір мәдениет, мұрағат, спорт, туризм нысандарына сараптама жүргізіліп, келтірілген шығын мөлшері анықталып жатыр. Бүкіл ел бойынша тарихи-мәдени ескерткіштерге сараптама жасалады", - деді ведомствоның баспасөз өкілі.
Оның айтуынша, Орталық мемлекеттік музей мен Ұлттық кітапханаға шабуыл жасалған.
"Әйнектер шағылып, шығу алаңы бүлінген, есіктер сынған. Бірақ қор мен музейге ешқандай зиян келмеген. Қазір қандай мөлшерде шығын келтірілгені анықталып жатып. Тарихи-мәдени мұра тізіміне кірген нысандарға мұқият сараптама жасалады", - деді Мәдениет министрлігі өкілі.
Сілтемесіз жаңалық оқисыз ба? Онда Telegram желісінде парақшамызға тіркеліңіз!