Алматыдағы өрттің себебі айтылды

02 Тамыз, 14:12
0
Алматыдағы өрттің себебі айтылды - © Куәгер
© Куәгер

Алматы қалалық төтенше жағдайлар департаменті Назарбаев даңғылындағы өрттің себебін айтты, - деп хабарлайды Tengrinews.kz тілшісі.

Ведомство мәліметтеріне сәйкес, ғимарат шатыры өрт қауіпсіздігі ережелері бұзылғандықтан жанған.

"Битумды қыздыру үшін ашық от қолданылған, бұл өрт қауіпсіздігі ережелерін өрескел бұзу болып саналады. Мердігер ұйым әкімшілік жауапкершілікке тартылады", - деді Алматы ТЖД ресми өкілі Сандуғаш Баймұхамбетова.

Оның айтуынша, ауданы 10 шаршы метр 5 қабатты үйдің шатыры мен битум жанған.

Назарбаев даңғылындағы үйлердің біріндегі шатырдың жануы туралы хабарлама 11.58-де келіп түскен. Өрт сөндіру қызметі шақыру орнына 6 минуттан соң, 12.04-де келді. Өрт 12.31-да ауыздықталды. Өрт сөндіру барысында 30 адам эвакуацияланды, оның ішінде 4 бала бар. Зардап шеккендер мен құрбандар жоқ.

Айта кетелік, бұған дейін Алматыдағы Назарбаев даңғылында көпқабатты үйден өрт шыққаны хабарланған. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай