Алматыда 24 жастағы қыз қоршауға соғылып, қаза тапты, - деп хабарлайды Tengrinews.kz тілшісі Алматы облысы полиция департаментіне сілтеме жасап.
Алматыда 24 жастағы қыз қоршауға соғылып, қаза тапты, - деп хабарлайды Tengrinews.kz тілшісі Алматы облысы полиция департаментіне сілтеме жасап.
Ведомство мәліметінше, жол апаты 4 қазанда сағат 16.00 шамасында болған. Қызылтоған ауылы маңындағы Алматы-Өскемен автожолының 209-шақырымында KIA Rio жүргізушісі қоршауға соғылған.
"Оқиға орнына жедел-тергеу тобы келген. Арнайы топ 24 жастағы қыздың тасжолмен солтүстік бағытта келе жатып, көлік тізгінін басқара алмай қалғанын анықтаған. Салдарынан жүргізуші темір қоршауға барып соғылған. Қыз оқиға орнында қаза тапты", - деді полициядағылар.
Посмотреть эту публикацию в Instagram
Полиция мәліметінше, осы дерекке қатысты ҚР Қылмыстық кодексігің 345-бабы бойынша сотқа дейінгі тергеу басталды.
"Алматы облысының полиция департаменті жол қозғалысының барлық қатысушысына жол жүру ережелерін қатаң сақтауға, жолдарда барынша абай болуға шақырады", - деп толықтырды ведомстводан.
Қазақстан жаңалықтары. Соңғы жаңалықтар. Telegram желісінде бізге жазыл!
