+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
"Азаматтарға арналған үкімет" мемлекеттік корпорациясы Қарағандыдағы Халыққа қызмет көрсету орталығының қызметкері мен тұрғын арасындағы жанжалға қатысты пікір білдірді. Корпорация жанжалды Ashyq мәртебесін растаудан бас тартқан тұрғын шығарғанын айтты, - деп хабарлайды Tengrinews.kz тілшісі.
"Азаматтарға арналған үкімет" мемлекеттік корпорациясы Қарағандыдағы Халыққа қызмет көрсету орталығының қызметкері мен тұрғын арасындағы жанжалға қатысты пікір білдірді. Корпорация жанжалды Ashyq мәртебесін растаудан бас тартқан тұрғын шығарғанын айтты, - деп хабарлайды Tengrinews.kz тілшісі.
Мемкорпорация мәліметінше, видео авторы әдейі Қарағанды Халыққа қызмет көрсету орталығының қызметкерімен жанжал шығарған. Бір күн бұрын ол Халыққа қызмет көрсету орталығына келіп, Ashyq-тағы мәртебесін растаудан бас тартып, туысының қайтыс болғаны туралы анықтама беруді талап еткен. Бұл құжат 25 тамызда дайын болды, бірақ оған ешкім келмегендіктен, ол мемлекеттік органға қайтарылды. ХҚКО қызметкерлері клиентке жағдайды түсіндіріп, келесі күні келуді ұсынған.
"Сонымен қатар, клиент дауыс көтеріп, былапыт сөз айтып, ХҚКО қызметкерлерін арандатқан және бәрін смартфон камерасына түсіріп алған. 20 қазанда қайта келген клиент Ashyq-тағы статусын көрсетпеген. Ол қызметкерді қорлап, агрессив мінез-құлық көрсеткен, сондықтан жанжал шыққан. Қазіргі уақытта тексеру жүргізіліп жатыр", - деді "Азаматтарға арналған үкімет" өкілдері.
Мемлекеттік корпорация қызметкердің әрекетін ақтамайтынын және қол көтеруді дұрыс санамайтынын айтты.
"Бұл акті тәртіптік комиссияда қаралады, кінәлілер жазаланады", - деп толықтырды ведомство өкілдері.
Айта кетейік, бұған дейін Қарағанды тұрғыны ХҚКО қызметкерлерін ұрды деп айтыптағаны хабарланған болатын. Ол ХҚКО қызметкерлерімен болған жанжалды телефонына түсіріп, оларды жазалауды талап еткен еді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
