1. Басты
  2. Біл
  3. Оқиға
  4. Тосын жай

Astana Arena шатыры қалың қардың салдарынан қирады09 ақпан 2020, 15:53

видеодан үзінді видеодан үзінді

Astana Arena  спорт кешені шатырының бір бөлігі қалың қардың салдарынан қирады, - деп хабарлайды Tengrinews.kz тілшісі.

Елорда тұрғыны Жәмиля Ақмолдаева "Астана - Что?Где?Когда?" тобында "Астана Арена" спорт кешенінде түсірілген видео жариялады. Қыз бала ғимаратта жаттығу жасап жүрген кезде шатырдың бір бөлігі қираған. Ғимаратта жарық тым көп болып кеткен. 

"Жаттығу кезінде опат бола жаздадық. Қалың қардан Astana Arena шатырының бір бөлігі шағылды. Жүгіру өмірге қауіпті болаып барады", - деп жазды Жәмилә Ақмолдаева. 

Спорт кешенінің директоры Дмитрий Антоничев бұл оқиғаның таңғы сегізде болғанын айтты. 

"Үш-төрт поликарбонатты плиталар құлады. Шатырдың өзі, салмақ түсетін құрылымдарға зиян келмеді. Зардап шеккендер мен құрбан болғандар жоқ. Аса бір шығын келмеді. Олар қалың қар қысымымен түсті, біз қазір осы плиталарды көтеріп жатырмыз, 16.00-ге дейін аяқтауымыз керек. Қар жауып, шатырдан сырғып түсуі керек болған, алайда жаңбыр жауып қар қалың болып қалған, осылайша өздігінен сырғып түспеген", - деді Антоничев.