Астанада автобус ұшыраған жол апатынан 11 жастағы бала қайтыс болды

21 Қыркүйек 2017, 14:30
0
Астанада автобус ұшыраған жол апатынан 11 жастағы бала қайтыс болды - Куәгер жолдаған сурет
Куәгер жолдаған сурет

Астанадағы Абылай хан даңғылы мен Пушкин көшелерінің қиылысында болған жол апатына қатысты тергеу басталды, - деп хабарлайды Tengrinews.kz тілшісі қалалық ІІД баспасөз қызметіне сілтеме жасап.

21 қыркүйекте шамамен сағат 10.00-де Тoyota-RAV-4 көлігінің 47 жастағы жүргізушісі Абылай хан даңғылы бойымен келе жатып Пушкин көшесіне өтер кезде Кенесары көшесімен келе жатқан автобуспен соғысып қалған.

"Жол-көлік оқиғасы салдарынан Тoyota-RAV-4 көлігінің жолаушысы 2006 жылғы бала алған жарақаттарынан ауруханада қайтыс болды. Бұл дерек ҚР Қылмыстық кодексінің 345-бабы бойынша сотқа дейінгі бірыңғай тергеу реестріне тіркелді. Қажетті сараптамалар тағайындалды", - деп хабарлады Астана қалалық ІІД баспасөз қызметіндегілер.

Автобустың үш жолаушысы дене жарақаттарымен медициналық мекемеге жеткізілді, олардың екеуі дәрігердің тексерісінен кейін үйлеріне қайтарылды. Ал бір жолаушы ауруханаға жатқызылды.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай