Астанада екі жасар бала менингококк инфекциясын жұқтырды деген күдікпен ауруханаға жатқызылды

05 Маусым 2018, 16:41
0

Астанада екі жасар бала менингококк инфекциясын жұқтырды деген күдікпен жансақтау бөліміне жатқызылды. Бұл мәліметті Астана қалалық Қоғамдық денсаулық сақтау департаментінің басшысы Нұрқан Сәдуақасов растады, - деп хабарлайды Tengrinews.kz тілшісі.

"Ұл бала, 2 жыл 1 айлық, менингококк инфекциясын жұқтырды деген күдікпен ауруханаға түсті. Сараптама нәтижелерін күтіп отырмыз. Денесінде бөртпелер жоқ, бірақ жансақтау бөлімінде жатыр", - деді Сәдуақасов.

Сондай-ақ, ол баланың ұзақ уақыт бойы Ақмола облысы Аршалын ауданындағы ауылда тұрғанын айтып өтті.

"Ол тек ата-анасымен байланыста болды. Қазір барлығын тексеріп жатырмыз", - деді Қоғамдық денсаулық сақтау департаментінің басшысы Нұрқан Сәдуақасов.

Айта кетейік, жыл басынан бері елімізде 13 адам менингококк инфекциясынан қайтыс болды.

Мұның алдында денсаулық сақтау министрі Елжан Біртанов менингококк инфекциясына байланысты карантин жарияланбайтынын айтқан еді.

Менингит несімен қауіпті және одан қалай қорғану керек?

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай