1. Басты
  2. Біл
  3. Оқиға
  4. Тосын жай

Астанада жоғалған 13 жастағы қыз Қарағанды облысынан табылды

Астанада полицейлер жедел іздестіру кешенді шараларын жүргізу барысынла жоғалған 13 жастағы Альсина Әбдраеваның қайда екенін анықтады, - деп хабарлайды Tengrinews.kz тілшісі.

Құқық қорғау органдарының қызметкерлері қызды Қарағанды облысынан тапты. Қыз бұл жаққа достарына автобуспен өз бетімен кетіп қалған. Полицейлер қызды үйіне жеткізіп, ата-анасының қолына тапсырған. Оның жағдайы жақсы. 

"Оған қатысты қандай да бір құқық бұзу әрекеті жасалмаған", - деді Астана қалалық ІІД ресми өкілі Софья Қылышбекова. 

Бүдан кейін полицейлер бұл отбасыны бақылауға алып, профилактикалық шаралар жүргізеді.

Еске салайық, Альсина 9 қыркүйекте жоғалып кеткен еді. Ол құрбыларымен серуендеуге кетіп, сол бетте оралмаған. Ата-анасы Алматы аудандық ІІБ-ге арыз түсірген. Кәмелетке толмаған қызға бірден іздеу жарияланған.