Астанада полицейлерге пара бермекші болған әскери қызметкер жазаланды

13 Қазан 2017, 16:32
0
Астанада полицейлерге пара бермекші болған әскери қызметкер жазаланды - © Tengrinews.kz
© Tengrinews.kz

Астана қалалық соты полиция қызметкерлеріне пара бермекші болған әскери қызметкерге айыппұл салды, - деп хабарлайды Tengrinews.kz тілшісі елордалық соттың баспасөз қызметіне сілтеме жасап.

"2017 жылдың 28 қыркүйегінде әскери бөлімнің қызметкері құқық қорғау органдарына заңсыз түрде материалдық сыйақы ретінде ақша берген. Полициядағылар ол ақшадан бас тартып, сержантқа бұл үшін жауапкершілікке тартылуы мүмкін екенін ескерткен. Бірақ құқық бұзушы оның айтқанын елемей, полицейлердің көлігінің салонына ақша қойған", - делінген хабарламада.

Баспасөз қызметінің мәліметінше, әкімшілік жауапкершілікке тартылып отырған ер адам кінәсін мойындады.

Астана қалалық әкімшілік сотының үкімімен сержан ҚР Қылмыстық-құқық бұзушылық туралы кодекстің 676-бабы бойынша жауапкершілікке тартылды және оған 200 айлық есептік көрсеткіш ретінде айыппұл салынды. Сот үкімі әлі заңды күшіне енген жоқ.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай