+7 (777) 001 44 99
ПОДЕЛИТЬСЯ
Полиция өкілдері Астанадағы Сарайшық көшесінде бес көліктің жол апатына ұшырауына қатысты пікір білдірді, - деп хабарлайды Tengrinews.kz тілшісі қалалық ІІД баспасөз қызметіне сілтеме жасап.
Полиция өкілдері Астанадағы Сарайшық көшесінде бес көліктің жол апатына ұшырауына қатысты пікір білдірді, - деп хабарлайды Tengrinews.kz тілшісі қалалық ІІД баспасөз қызметіне сілтеме жасап.
Осыған дейін Facebook желісіндегі "Астана - Что? Где? Когда?" тобында қолданушылардың бірі 5 тамызда Сарайшық көшесінде бес көліктің жол апатына ұшырағаны жайлы жазған болатын. Қыз жазбасында құқық қорғау органы қызметкерлеріне шағымданған еді.
Полиция өкілдері жол апатын жасаған BMW жүргізуші Алиевтің Әзірбайжан азаматы екенін және оның сол күні төрт көлікпен соғысып қалғанын хабарлады.
"747 ТХА 01 мемлекеттік нөмірлі BMW маркалы көліктің жүргізушісі Алиев Э.Р-ге қатысты ҚР Әкімшілік құқық бұзушылық туралы кодексінің 684-бабының негізінде 610-баптың 1-бөлігі бойынша әкімшілік іс қозғалды", - деп хабарлады полициядағылар.
ІІД мәліметінше, іс Астананың Мамандандырылған ауданаралық әкімшілік сотына жолданды.
"Сондай-ақ, жүргізушіге қатысты ҚР Әкімшілік құқық бұзушылық туралы кодекстің 230-бабының 2-бөлігі бойынша іс қозғалды. Ол әкімшілік өндіріс ретінде 10 айлық есептік көрсеткіш көлемінде айыппұл төлеуге міндеттелді", - деп хабарлады ІІД баспасөз қызметінің өкілдері.
