+7 (777) 001 44 99
Қазақша
Русский
English
Tengrinews.kz редакциясы Астанадағы үзіліп түскен лифт ішіндегі адамдары құтқару сәті түсірілген фотосуреттерді жариялап отыр.
13 сәуір 18.50-де "Эдем палас" тұрғын үй кешенінде лифт жертөлеге үзіліп түскен болатын. Оның ішінде сегіз адам, алтауы ересек, екеуі бес және алты жастағы балалар болған. Лифт алтыншы қабаттан бірінші қабатқа дейін қалыпты түсіп, сол жерде үзіліп, жертөлеге құлаған.
Адамдарды құтқару сәті.
Tengrinews.kz тілшісіне куәгерлердің айтуынша, құлаған лифт ішіндегі адамдар тұншығып қалмауы үшін есікті саңылаулап отырған.
Есікті полицейлер мен лифтке қарайтын қызметкерлер ашқан. Дерек Сотқа дейінгі тергеудің бірыңғай тізіміне ҚР ҚК-нің 306-бабы бойынша тіркелді.
Бүгін "Эдем Палас -1" және "Эдем Палас -2" тұрғын үй кешендерінің тұрғындары лифт мәселесін дереу шешуді талап ету үшін жиналды. Адамдардың айтуынша, мұндай оқиға алғашқы рет болып тұрған жоқ.
