+7 (777) 001 44 99
Қазақша
Русский
English
Қазақша
Русский
English
Атырауда 10 қабатты тұрғын үйдің шатыры өртенді. Бұл - жаңадан пайдалануға берілген тұрғын үй кешені, - деп хабарлайды Tengrinews.kz тілшісі.
2023 жылғы 5 мамыр күні 19:22 сағатта Атыраудағы Махамбет Өтемісов көшесінде орналасқан 10 қабатты "Лагуна" тұрғын үй кешенінің шатыр бөлігінде өрт шықты.
"Үйдің жалпы ауданы 1 500 шаршы метр, өрт 200 шаршы метр аумақты шарпыған. Өрт сөндірушілер дереу шақырту орнына жетіп, өртті сөндіру жұмыстарын жүргізді", - деп хабарлады Атырау облысы төтенше жағдайлар департаментінің қоғаммен байланыс тобы.
1 сағаттың ішінде өрт сөндірілді. Зардап шеккендер жоқ. Өрттің шығу себептері анықталып жатыр.
Өртті сөндіруге Атырау облысы 50 құтқарушы мен 11 техника жұмылдырылды.
Ал полицияның хабарлауынша, тұрғын үй кешенінен 25 адам эвакуацияланып, қауіпсіз жерге шығарылған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
