1. Басты
  2. Біл
  3. Оқиға
  4. Тосын жай

Балалар ертеңгілігінде петарда жарылды: Желіде видео тарады28 желтоқсан 2018, 09:08

Видеодан алынған кадр Видеодан алынған кадр

Желіде балалардың жаңажылдық ертеңгілігінде петардалардың жарылғаны түсірілген видео пайда болды, - деп хабарлайды Tengrinews.kz тілшісі.

Видео кадрларынан балалар мен ересектердің жаңажылдық кюстюмдерді киіп, балабақшадағы ертеңгілікте өнер көрсетіп жатқаны көрінеді. Бірақ бір сәтте петардалар жарыла бастайды. Артынша залдағылардың үрейі қашып, дүрбелең басталады. Видеоның қашан және қайда түсірілгені белгісіз.

ҚР Ішкі істер министрлігінің өкілдері видеоны тексеріп жатқанын айтты.

"Видеороликте болған жағдай қазіргі уақытта Қазақстанда тіркелмеген", - деді ТЖК баспасөз хатшысы Нұрсұлтан Нұрахметов.

ҚР Білім және ғылым министрлігінің өкілдері де өз кезегінде бұл жағдайдың Қазақстанда болмағанын айтады.