Бесіктен бір жыл шығарылмаған бала сал ауруына шалдыққан

15 Қыркүйек 2014, 20:13
0
Бесіктен бір жыл шығарылмаған бала сал ауруына шалдыққан - Ақнұр. ©lada.kz
Ақнұр. ©lada.kz

Ақтауда бір жылға жуық уақыт бесікке таңылған балаға "балалар церебраль параличінің жеңіл формасы" деген диагноз қойылды, - деп хабарлайды Lada.kz

Маңғыстау облыстық балалар ауруханасының невропатолог дәрігері Мария Алдабергенованың хабарлауынша, баланың ағзасынан күміс түсті стафилококк та табылды. Дәрігердің айтуынша, күтім көрсетілмегендіктен баланың денсаулығы одан сайын нашарлаған. 

Ақтау полициясы балаға қатігездікпен қарау дерегі бойынша анықталмаған тұлғаларға қатысты қылмыстық іс қозғаған болатын. Мұнайлы ауданы "жедел жәрдемінің" дәрігері Қамыш Хасанов баланың ата-анасымен бірге, уақытында дабыл қақпаған дәрігерлерді де жауапкершілікке тарту керектігін айтты. Дәрігер бала жағдайдың құрбаны болды деп есептейді. "Дәрігерлер үндемейді. Бәрі жұмыс орнынан айырылып қалудан қорқады. Ақнұрға қатысты жағдай да осының салдарынан болуы мүмкін, сол себепті бәрі оны "байқамауға" тырысқан", - деді Хасанов.

Дәрігердің айтуынша, бесікке таңылған баланың жағдайы мәлім болғаннан кейін оған көңіл бөлініп, тиісінше оның жағдайы да жақсара бастады. "Көбінің үйінде бес баладан бар, ал үйде қызуды өлшейтін құрал жоқ. Біз келген кезде жүгіріп, дәрі-дәрмек іздей бастайды", - дейді дәрігер.

Еске сала кетейік, Ақтаудағы бір жасар сәби 31 тамыз күні ауруханаға түскен болатын. Ол қатты ашыққан, бұлшықеттері қисая біткен, құйрығының асты іріңдеп, құрттаған. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай