Бөтен адамның төлқұжатымен шекарадан өтпек болған Қырғызстан азаматшасы ұсталды 10 қыркүйек 2014, 10:51
Қырғызстан азаматшасы Қазақстан шекарасынан бөтен адамның төлқұжатымен өтпек болған, - деп хабарлайды Tengrinews.kz тілшісі ҚР ҰҚК Шекара қызметінің баспасөз қызметіне сілтеме жасап.
Қазақстандық шекарашылар мемлекеттік шекараны басқаның атын жамылып кесіп өтуге әрекеттенген қырғызстандық азаматшаның жолын кесті. Қостанай шекара жасағы "Қайрақ авто" өткізу пунктінің наряды «Мерседес» автокөлігімен Ресей Федерациясына бара жатқан Қырғызстанның 30 жастағы азаматшасын ұстады.
Ұсталған адам төлқұжат бақылауынан апайының құжаттарымен өтуге тырысқан. Аталған факті бойынша құқық қорғау органдарына хабарланды. Заң бұзушы ҚР қылмыстық кодексінің 330-бабы, 1-бөлігі бойынша ("Қазақстан Республикасының Мемлекеттік шекарасынан әдейі заңсыз өту бабына сәйкес") жауапкершілікке тартылды.
- ПОДЕЛИТЬСЯ