+7 (777) 001 44 99
ПОДЕЛИТЬСЯ
Алматыда Қазақстан ІІМ Академиясының бір ай бұрын іс-түссіз жоғалып кеткен 18 жастағы курсанты Ахат Исмагилов табылды. Бұл жаңалықты Tengrinews.kz тілшісіне баланың анасы айтты.
Алматыда Қазақстан ІІМ Академиясының бір ай бұрын іс-түссіз жоғалып кеткен 18 жастағы курсанты Ахат Исмагилов табылды. Бұл жаңалықты Tengrinews.kz тілшісіне баланың анасы айтты.
"Менің ұлым Теміртаудағы үйімізге қайтып келді. Ол өзінің бұл әрекетін ҚР ІІМ Акадаемиясының полицейлерімен жанжалдасып қалғанымен түсіндірді. Ол өзі қарсылық көрсете алмағандықтан осындай қадамға барған. Сол себепті де осынша уақытқа дейін тығылып жүрген", - деді Татьяна Синева.
Алайда баланың қайда болғаны, қалай күн көргені туралы анасы тіс жармады. Оның айтуынша, баласы оқуға қайтып бармайды.
"Біз өз еркімізбен оқудан шығу туралы арыз жаздық. Мен өзім де осы жанжалдан кейін ұлымды онда жібергім келмейді. Бұл туралы ештеңе айтқым да, еске түсіргім де келмейді", - деді баланың анасы.
Ахаттың өзі Tengrinews.kz тілшісімен сұхбаттасудан бас тартты.
Еске салайық, Ахат Исмагиловқа 2016 жылдың 23 қарашасында күндіз іздеу жарияланған болатын.
