+7 (777) 001 44 99
Қазақша
Русский
English
Дәрігерлер Астанада 15-қабаттан құлаған қыздың жағдайын айтып берді, - деп хабарлайды Tengrinews.kz тілшісі.
"Таңертең қыз біздің ауруханаға түсті, жағдайы тұрақты ауыр болды. Жабық түрдегі бассүйек ми жарақаты, бассүйек миының зақымы, беломыртқасы сынған, кеуде қуысы сынған, ішіне зақым келген, оң жақ пневмоторикасы және екінші дәрежелі травматикалық шок алғаны тіркелді", - деді Травматология және ортопедия ғылыми-зерттеу институтының реаниматологы Ербол Төлегенұлы.
Сондай-ақ, дәрігердің айтуынша, қыз есінен танып қалған, жасанды тыныс алу аппаратына қосылған. Алайда медицина мамандары науқастың денсаулығына болжам жасауға асықпай отыр.
Еске салайық, осыған дейін Астанада Министрлік үйіне қарама-қарсы үйдің 15-қабатынан қыз баланың құлап, көліктің үстіне түскені хабарланған еді. Полициядағылар қыз баланың ауруханаға жеткізілгенін мәлімдеді. "Тексеру жүріп жатыр, оқиғаның мән-жайын анықтап жатырмыз, - деп хабарлады Астана ІІД ресми өкілі Софья Қылышбаева.
