Астанада Министрлік үйіне қарама-қарсы үйдің 15-қабатынан қыз бала құлап, көліктің үстіне түскен, - деп хабарлайды Тengrinews.kz тілшісі.
Оқиға "Жаңа әлем" тұрғын-үй кешенінде Министрлік үйіне қарама-қарсы жерде болған.
Полициядағылар қыз баланың ауруханаға жеткізілгенін мәлімдеді. "Тексеру жүріп жатыр, оқиғаның мән-жайын анықтап жатырмыз, - деді Астана ІІД ресми өкілі Софья Қылышбаева.
Еске салайық, 3 мамырда Астанада 21-қабаттан қыз бала құлап кеткен болатын. Осы дерекке қатысты полицейлер ҚР Қылмыстық кодексінің 105-бабы ("Өзiн-өзi өлтiруге дейiн жеткiзу") бойынша іс өозғаған.
