Екібастұзда өндірістік кәсіпорындардың бірінде жұмысшылар мінген автобус жол апатына ұшырады. Жолаушыларға медициналық көмек көрсетіліп жатыр, - деп хабарлайды Tengrinews.kz тілшісі.
Екібастұзда өндірістік кәсіпорындардың бірінде жұмысшылар мінген автобус жол апатына ұшырады. Жолаушыларға медициналық көмек көрсетіліп жатыр, - деп хабарлайды Tengrinews.kz тілшісі.
Зардап шеккендердің нақты саны әлі хабарланған жоқ. Жергілікті Telegram-арна жариялаған суретте көмір кәсіпорындарының бірінің аумағында ЖКО болғанын көруге болады. Автобустың алдыңғы жағы қирап, алдыңғы әйнегі сынған.
"Екібастұзда ЖШС-нің бірінің аумағында жүргізуші ПАЗ автобусын тізгіндей алмай жол шетіне аударылып қалған. Автобус салонында ЖШС-нің 24 қызметкері болды. ЖКО салдарынан қаза тапқандар жоқ, сол жерде зардап шеккендерге медициналық көмек көрсетіледі", - деп түсіндірді Павлодар облысы Полиция департаментінің баспасөз қызметі.
Денсаулық сақтау басқармасының мәліметінше, қазір зардап шеккендерді дәрігерлер тексеріп жатыр.
"Ауыр жағдай жоқ", - деп сендірді Павлодар облысының денсаулық сақтау басқармасы.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
