Әлеуметтік желілерде итті көлікпен сүйреген видео пайда болды. Оқиға Екібастұз қаласында болған, - деп хабарлайды Tengrinews.kz тілшісі.
Видео Instagram желісінде жарияланды. Онда Екібастұзда жүргізушінің итті көлікке байлап сүйреген сәтін көруге болады.
"Қараңыздар! Алабай итін сүйреп барады", - дейді видеоның авторы.
Бұл дерекке қатысты Павлодар облысы полиция департаментінің баспасөз қызметі түсінік берді.
"Бұл дерек Екібастұз қаласының полиция басқармасында тіркелді. Көлік жүргізушісін анықтау бойынша іс-шаралар жүргізіліп жатыр", - деді полициядағылар.
Tengrinews.kz тілшісі Экология министрлігіне сауалхат жолдады.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
