Екібастұзда жасөспірім жаттығу жекпе-жегінен соң қайтыс болды

03 Маусым 2014, 18:01
0
Екібастұзда жасөспірім жаттығу жекпе-жегінен соң қайтыс болды - ©РИА Новости
©РИА Новости

Екібастұзда жасөспірім жаттығу жекпе-жегінен соң қайтыс болды, - деп хабарлайды Tengrinews.kz Павлодар облыстық денсаулық сақтау басқармасының ана мен бала қорғау бөлімінің жетекшісі Алмагүл Ахметжановаға сілтеме жасап.

Мектеп оқушысы 3 маусым күні облыстық балалар ауруханасында қайтыс болған. "Ауруханаға жатқызылғаннан бері оның жағдайы өте ауыр болды. Осы уақытқа дейін жасөспірім комада жатты. Оған операция жасалды, барлық қажетті ем көрсетілді. Бірақ бұл медицина қауқарсыздық танытқан жағдай болды", - дейді Алмагүл Ахметжанова.

Еске сала кетейік, 14 жастағы боксшы Қуаныш Жұмабай мамыр айында жаттығудан соң комаға түскен еді. Жасөспірім Қазақстан чемпионатына дайындалған. Жаттығу кезінде ол ішіне қарсыласының соққысын өткізіп алған. Дәрігерлер баланың миы жарақаттанғанын да айтып отыр. Науқастың бас сүйегін тесіп операция жасауға тура келді. Бірақ медиктердің көмегі нәтиже бермеді. 

Облыстық ішкі істер департаменті баспасөз қызметінің хабарлауынша, жасөспірімнің қайтыс болу дерегі бойынша тергеуалды тексеріс жүріп жатыр. "Қазіргі уақытта оның мәйіті сот-медициналық сараптамасына жіберілді. Бұған қоса, басқа да қажетті сараптамалар тағайындалды, олардың нәтижесі бойынша процессуалдық шешім шығарылатын болады", - дейді ішкі істер департаментінің баспасөз қызметі.

 

 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай