Интернетте Алматыдағы автобус пен троллейбустың жол бойында жарысқаны түсірілген видео пайда болды, - деп хабарлайды КТК телеарнасы.
Қоғамдық көліктердің тәртіпсіздігі түсіп қалған видео Интернетке кеше салынған. Тек авторы астына ешқандай ақпарат қалдырмады. Бейнероликтен екі көліктің жарысып жүргендері анық көрінеді. Олардың бірі қарсы жолаққа өтіп кетті. Видеоға троллейбустың нөмірі түспей қалған, автобустікі анық көрінеді.
