+7 (777) 001 44 99
Қазақша
Русский
English
17 қараша 2021 | 15:19
Жамбыл облысында тұрғындар жел салдарынан газсыз қалды
Жамбыл облысында жел салдарынан бірнеше елді мекенде газ құбырларына зақым келді, - деп хабарлайды Tengrinews.kz тілшісі "ҚазТрансГаз" мәліметіне сілтеме жасап.
ПОДЕЛИТЬСЯ
Жамбыл облысында жел салдарынан бірнеше елді мекенде газ құбырларына зақым келді, - деп хабарлайды Tengrinews.kz тілшісі "ҚазТрансГаз" мәліметіне сілтеме жасап.
Баспасөз қызметі мәліметінше, екпіні күшті жел үйлердің қоршауларын ұшырып, ағаштарды құлатқан. Салдарынан көшедегі газ құбырлары бүлінген.
"Апаттың алдын алу үшін газ қызметкерлері бүлінген құбырларға газ беруді тоқтатты. Төтенше жағдай болған аудандарда газдың шығуы мен өрт болған жоқ.
Қатты жел салдарынан газ құбырларын қалпына келтіру әзірге мүмкін болмай тұр. Жел басылғаннан кейін ғана газ қызметкерлері қираған газ құбырларын қалпына келтіру және газбен қамту жұмыстарымен айналысады", - делінген "ҚазТрансГаз" хабарламасында.
Қазіргі уақытта Тараз қаласында - 25, Жамбыл облысында - 16, Жуалы мен Байзақ аудандарында - 25 ағаштар мен қоршаулардың газ құбырларына құлау жағдайы тіркелген.
Айта кетейік, бұған дейін Жамбыл облысындағы тасжолда қатты жел салдарынан "Газель" аударылып қалғаны хабарланған болатын. Таразда адамдар жел екпініне шыдамай құлап, шатырлар, көліктер ұшып жатыр.
Бір күн бұрын бұл жерде "Батыс Еуропа – Батыс Қытай" тасжолының 534-593 шақырымында жолда көру мүмкін болмағандықтан, көлік қозғалысы жабылып, Қаратау мен Жаңатас қалаларынан шығатын жол жабылған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
Показать комментарии
Читайте также
