Жаңаөзенде үй жарылып, үш адам зардап шекті

16 Қараша, 20:12
0
видеодан үзінді

Жаңаөзенде үй жарылып, қирап қалды, - деп хабарлайды Tengrinews.kz тілшісі ҚР ІІМ ТЖ Комитетінің баспасөз қызметіне сілтеме жасап. Әлеуметтік желіде оқиғаның видеосы жарияланды. 

Посмотреть эту публикацию в Instagram

Публикация от Жаңаөзен/Жанаозен 2018 (@zhanaozen_online) 16 Ноя 2018 в 2:23 PST

Видеода жарылыстың салдарынан үйдің қалпы түсірілген. Сол өңірде шаң көтеріліп, жергілікті тұрғындар қауіпсіз жаққа жүгіріп жатыр. 

ТЖК мәліметінше, оқиға Рахат-2 ықшамауданында болған. 16 қарашада 16:15-те оқиға туралы хабар түскен. 

"Табиғи газдың таралуынан жарылыс болған. Артынша 204 шаршы метр болатын үй қирап қалған. Өрт сөндірушілер қирандылар астынан екі адамды алып шықты. Әр түрлі дене жарақатымен 3 адам ауруханаға түсті", - деді ведомство өкілдері. 

Оқиға орнына Маңғыстау облыстық ТЖД жеке құрамының 20 маманы мен үш арнайы техника жұмылдырылды.