Жануарлар қалдығын өртеген: Қостанай тұрғындары жағымсыз иіске шағымданды 22 мамыр 2023, 12:31
Қостанай тұрғындары "Kostanay Plaza" сауда үйі қоршауының ар жағында орналасқан инсинератор пешінен шыққан жағымсыз иіске шағымданды. Бұл қондырғыда жануарлардың қалдықтары өртенген, - деп хабарлайды Tengrinews.kz тілшісі "Костанайские новости" басылымына сілтеме жасап.
Видео Желіде таралып, қызу талқыланып жатыр.
"Мән-жайын анықтап жатырмыз. Қазірдің өзінде нақты айта аламын, инсинератор пеші ветеринария бөліміне тиесілі емес. Ол мал сою пунктіне тиесілі болуы мүмкін", - деп түсіндірді Қостанай облысының ветеринария басқармасының басшысы Ақат Шектібаев.
Видеоға облыстың Экология департаменті де пікір білдірді. Жақын арада зертхана мамандары кәсіпорынның санитарлық-қорғау аймағындағы атмосфералық ауаны тексереді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
- ПОДЕЛИТЬСЯ