Жасөспірімнің таяқ жегені түсірілген видео жария болды

18 Қараша 2014, 21:16
0
Жасөспірімнің таяқ жегені түсірілген видео жария болды - ©kakprosto.ru
©kakprosto.ru

Интернетте Павлодар облысында жасөспірімнің қан-жоса етіп сабалғаны түсірілген видео пайда болды, - деп хабарлайды СТВ.

Төтенше оқиға Железинка ауылында болды. Жергілікті аграрлық-техникалық колледждің студенттері өз өтініштерінен бас тартқан курстасын ұрып-соққан. Таяқ жеген жасөспірімнің анасы баласының миы шайқалғанын айтты. Бірақ полицияға арызданудан бас тартып отыр. Тұрғындардың айтуынша, әйелді әлдекімдер қорқытқан. Олар өңір басшысының блог-платформасына хат жазып, болған оқиғаға байланысты көмек сұрады. 

Дегенмен телеарнаның мәліметінше, жасөспірім оқыған колледж ұжымы бұл оқиғаға мән бермей отыр. "Бұл - ер балалар арасындағы әдеттегі төбелес. Олар өзара төбелесіп, басылды. Зардап шегуші тарапынан ешқандай кінә артылған жоқ", - деді колледж директорының оқу-тәрбие жұмыстары жөніндегі орынбасары.

Полицейлер болса, бұл оқиға бойынша іс қозғалмайтынын хабарлады: "Бұзақылық дерегі бойынша қылмыстық іс қозғаудан бас тартылды, себебі жасөспірім қылмыстық жауапкершілік қарастырылатын жасқа жетпеген". Роликтегі "кейіпкер" қиын жасөспірім ретінде полицияның есебіне алынған. Оның жалғыз ғана әжесі бар. Қазір оны балалар үйіне ауыстыру мәселесі қаралып жатыр.  

 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай