24 наурыз 2022 15:34

Жетісайда көшеде көлікпен жарыс ұйымдастырғандар анықталды

Жансая Қадыржанова Корреспондент

ПОДЕЛИТЬСЯ

Видеодан алынған кадр

Жетісай тұрғындары қаланың орталық көшелерінде ұйымдастырылған көлік жарысының куәгерлері болды, - деп хабарлайды Tengrinews.kz тілшісі.


Жетісай тұрғындары қаланың орталық көшелерінде ұйымдастырылған көлік жарысының куәгерлері болды, - деп хабарлайды Tengrinews.kz тілшісі.

Бір күн бұрын әлеуметтік желілерде бірнеше көліктің қатты жылдамдықпен жүргені көрінетін видео пайда болды. Видеода бірнеше көлік қарама-қарсы қозғалыс жолағына шыққаны, кенет маневр жасап, артқа қарай бұрылғаны байқалады. 

Кадрларға сәйкес, оқиға Түркістан облысы Жетісайда болған. Жарысқа Audi, Hyundai Accent, Toyota Land Cruiser және Toyota Land Cruiser Prado сияқты көліктер, сондай-ақ Toyota Camry көлігінің бірнеше моделі қатысқан. Алайда олардың барлығында Алматы облысының нөмірлері болған. Жарысқа қатысушылар үйлену тойына қонаққа келіп, заңсыздық ұйымдастырған.

Ескеріңіз! Видеода бейәдеп сөздер бар!

Посмотреть эту публикацию в Instagram

Публикация от KRISP ALMATY|КРИСП АЛМАТЫ🇰🇿 (@krisp_almaty)

Түркістан облысының полицейлері жарысқа қатысқан жүргізушілердің бірін анықтап, ұстағанын мәлімдеді. Ол Audi көлігін жүргізген Жетісай тұрғыны болып шықты. Оған ӘҚБтК-нің 596-бабы 5-бөлігі "Көлiк құралын жолдың жүру бөлiгiнде орналастыру, қарсы жүрiп өту немесе басып озу қағидаларын бұзу" бойынша хаттама толтырылған. Оның көлігі айыппұл тұрағына қойылған.

"Қызметкерлеріміз түрлі құқықбұзушылықтардың алдын алу мақсатында жолдарды үнемі тексереді. Сондай-ақ, әлеуметтік желілерді де үнемі қадағалап отырады. Кезекті тексеріс барысында Жетісай ауданының полицейлері қала көшелерінің бірінде өзгелерді басып озған бірнеше көлікті байқаған. Тәртіп сақшылары дереу әрекет етіп, жедел шаралар қабылдады", - деді облыстық Полиция департаментінің баспасөз қызметі өкілі.

Сондай-ақ, полицейлер бұл жарыстың басқа да қатысушыларын анықтады, олар жылдамдықты асырған. Бұл көліктер Алматыда тіркелген және оңтүстік мегаполис тұрғындарына тиесілі болып шықты.

"Қазір Жетісай полицейлері оларды заң аясында жауапкершілікке тарту бойынша жұмыстар жүргізіп жатыр. Түркістан облысының полицейлері автокөлік иелерін жол жүру ережелерін сақтауға шақырады. Өйткені заң бұзу салдарынан жүргізуші куәлігінен айыруға, қамауға немесе қылмыстық жауапкершілікке тартылуы, сондай-ақ, бұл жүргізушілер мен жолаушылардың өмірі мен денсаулығына қауіп төндіруі мүмкін", - деп толықтырды өңірлік Полиция департаменті өкілі.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Читайте также
Join Telegram

Валюта бағамы

 446.78   483   4.85 

 

Ауа райы

 

Редакция Жарнама
Социальные сети