1. Басты
  2. Біл
  3. Оқиға
  4. Тосын жай

"Жұлдыз" тағы өртенді

Сурет Tengrinews архивынан Сурет Tengrinews архивынан
Алматы қаласындағы "Жұлдыз" көтерме-сауда базары бүгін тағы отқа орана жаздапты. Құдай сақтағанда, өрт дер кезінде сөндірілген. Бұл жайында Tengrinews.kz тілшісіне Алматы қалалық ТЖД-ның сенімді өкілі хабарлады. Төтенше жағдай департаментінің мәліметінде сондай-ақ, "өрт сөндірушілер оқиға орнына сағат 10.47-де келіп жетті. Өрттің бетін бірер минуттың ішінде қайтарып үлгердік. Базардың азды-көпті бір жарым шаршы метр жері ғана өртенген екен. Қазіргі кезде тексеру амалдары жүргізіліп жатыр" делінген. Естеріңізде болса, Розыбақиев көшесінде орналасқан "Жұлдыз" базары осыдан бірнеше күн бұрын ғана, яғни 3 ақпан күні өртенген болатын. Ол жолы он шақты сауда-қойма павильоны істен шығып, жалпы айтсақ, шамамен 80 шаршы метр жанып кеткен еді.