Қарағандыда әкесін құтқармақ болған баласы мерт болды

16 Шілде, 10:48
0
Қарағандыда әкесін құтқармақ болған баласы мерт болды -

Қарағандылық 59 жастағы ер адам кәріз құдығына құлап кеткен. Оның артынша ұлы мен көршісі құдыққа түскен. Соның салдарынан ер адамдардың бірі қайтыс болған, - деп хабарлайды Tengrinews.kz тілшісі. 

Оқиға 16 шілдеде болған. Облыстық ТЖД кезекші бөліміне 03:58-де 59 жастағы ер адамның кәріз құбырын тазаламақшы болып, құдыққа құлап кеткені туралы хабар түскен. Төтенше жағдай Бурабай көшесінің бойында жекеменшік үйдің маңындағы кәріз суы жиналатын және сол жерден сорып алатын тереңдігі алты метр құдықта болған. 

Зардап шеккен ер адамның артынша 1990 жылғы баласы мен көршісі түскен. Ер адамдар зардап шеккен адамды шығармақ болған. 

"Таңғы 4:53-те және 5:02-де үй иесі мен көршісі құдықтан шығарылды және дереу ауруханаға жеткізілді. Екеуінің де жағдайы ауыр. Таңғы 6:30-да ТЖД және "Қарағанды Су" күштері 1990 жылғы ер адамның денесін алып шықты", - деді өңірлік ТЖД баспасөз қызметінің өкілдері.

"1960 және 1989 жылғы екі ер адам жағымсыз иістен (күкіртті сутек және аммиак) уланған және қазіргі уақытта облыстық Мақажанов атындағы орталықтың жансақтау бөлімінде жатыр. Екеуінің де жағдайы ауыр. Үшінші зардап шеккен ер адам жедел жәрдем келгенге дейін қаза тапқан", - деп хабарлады Қарағанды облыстық денсаулық сақтау басқармасының өкілдері.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай