Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Қазақстанда бір айдың ішінде 164 адам суға кетті

01 Шілде 2015, 17:00
0
©Тұрар Қазанғапов
©Тұрар Қазанғапов

Қазақстанда маусым айынан бері 164 адам суға кетті, - деп хабарлайды Tengrinews.kz тілшісі ҚР ІІМ Төтенше жағдайлар жөніндегі комитетінің баспасөз қызметіне сілтеме жасап.

"Қабылданып жатқан шараларға қарамастан, елдегі суға шомылу орындарында жыл басынан бері 228 адам суға кетіп өлді, оның ішінде 61-і балалар. Олардың ішінде ресми түрде шомылу маусымының ашылуынан, яғни 1 маусымнан бастап қаза болғандардың саны - 164, оның ішінде 19-ы балалар", - деп хабарлады Төтенше жағдайлар жөніндегі комитеттің төраға орынбасары Жасұлан Жұмашев.

Оның айтуынша, адамдардың суға кетіп өлуінің басты себептері - жүзе алмау, күшін дұрыс есептемеу, балаларды қараусыз қалдыру, мас күйде шомылу, арнайы жабдықталмаған жерде шомылу, жеке құтқару құралдарынсыз балық аулау.

"Әдеттегідей басты назар шомылатын жерлері бар балалар лагеріне аударылады. Құтқару бөлімшелері білім беру, денсаулық сақтау басқармаларымен, жергілікті атқару органдарымен суға шомылатын орындарда балалардың қауіпсіздігі бойынша шаралардың кешенін ұйымдастырып жатыр", - деп хабарлады Төтенше жағдайлар жөніндегі комитеттің төраға орынбасары.

2015 жылдың басынан бері құтқару бөлімшелері 393 адамды құтқарды, олардың ішінде 110-ы балалар. Төтенше жағдайлар жөніндегі комитет су нысандарындағы қауіпсіздік ережелерін сақтауды ескертеді. "Суға шомылу орындарында ішімдікке, есірткі уытына мас күйде шомылуға, қайықтан, катерлерден, айлақтан, сонымен қатар бұл мақсаттарға арналмаған құрылғылардан суға секіруге болмайды. Жабдықталмаған, тексерілмеген жерлерде шомылуға, шомылу аймағын көрсететін белгілерден асуға, жүзуге арналмаған заттармен шомылуға, техникалық және ескерту белгілеріне шығуға, балаларды қараусыз шомылдыруға кеңес берілмейді", - делінген ТЖ жөніндегі комитеттің хабарламасында.

 

Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай