Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Колледждегі жарылыс бойынша тағы бір адам тұтқындалды

22 Қараша 2014, 11:29
0
Юрий Гавриленко. ©Тengrinews.kz
Юрий Гавриленко. ©Тengrinews.kz

Алмалы аудандық соты Алматы сән және дизайн колледжінің алғашқы әскери дайындық пәнінің бұрынғы мұғалімін тұтқындады, - деп хабарлайды Tengrinews.kz тілшісі қалалық соттың баспасөз хатшысы Қуандық Ешіметке сілтеме жасап.

Юрий Гавриленко екі ай мерзімге қамауға алынды. Оған қатысты "Қару-жарақты, оқ-дәріні, жарылғыш заттар мен жарылғыш құрылғыларды заңсыз сатып алу, беру, сату, сақтау, тасымалдау немесе ұстау" бабымен қылмыстық іс қозғалды.

2010 жылы Гавриленко Алматыда РГД-5 әскери гранатасы мен түрлі нысандарды жаруға, бұзуға, жоюға арналған УЗРГМ-2 жарылғыш затын сатып алады да, оларды колледждің алғашқы әскери дайындық пәнінің материалдық құндылықтар бөлмесіне сақтайды. Бұрынғы мұғалімнің бұл заттарды қайдан сатып алғаны нақтыланған жоқ.

Еске сала кетейік, 17 қараша күні 08.40-та Алматы сән және дизайн колледжінің екінші қабатында алғашқы әскери дайындық сабағында граната жарылған еді. Төтенше оқиға салдарынан 16 жастағы студент қыз Светлана Яковлева қайтыс болды. 12 адам ауруханаға түсті, тағы үш адам дәрігерлерге өз еркімен көрінді. Төтенше оқиға дерегі бойынша "Абайсызда кісі өліміне әкеліп соқтыру" және "Қару-жарақты, оқ-дәріні, жарылғыш заттар мен жарылғыш құрылғыларды заңсыз сатып алу, беру, сату, сақтау, тасымалдау немесе ұстау" баптарымен қылмыстық іс қозғалды.

20 қараша күні жарылыс кезінде колледжде алғашқы әскери дайындық пәнінен сабақ берген Ғабит Қарабалаевке аталған баптар бойынша айып тағылды. Педагог екі ай мерзімге қамалған болатын. Ол бұл колледжде 2013 жылдың қыркүйегінен бері жұмыс істейді. 


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай