ҚР ІІМ сәбиді ұрып-соғу сәті түсірілген видеоны зерттеп жатыр

11 Қараша 2016, 16:11
0
ҚР ІІМ сәбиді ұрып-соғу сәті түсірілген видеоны зерттеп жатыр -

Ішкі істер министрлігінің өкілдері әйелдің сәбиді ұрып жатқан сәті түсірілген видеоны зерттеп жатыр. Бұл туралы Tengrinews.kz тілшісіне ҚР ІІМ мемлекеттік тіл және ақпарат департаментінің директоры Алмас Сәдубаев айтты.

"ҚР ІІМ өкілдері видеода сәбиді ұрып-соғып жатқан әйелді анықтау мақсатында барлық шараны қолданып жатыр. Кейінірек оқиғаның мән-жайы анықталған соң, осы іске процессуалдық баға беріледі. Видео зерттеліп жатыр", - деді Сәдубаев.

Айта кетейік, қазіргі уақытта бұл видео мессенджерлер мен әлеуметтік желілерде кеңінен тарап жатыр. Видеодағы кадрлардан әйелдің диванда отырып, сәбиді ұрып-соғып жатқаны көрінеді. Онымен қоса, әйел оған "аузыңды жап" деп айғай салып, сәбидің бетінен ұруын қоймайды. Болжам бойынша, сәби 1-ге де толмаған. 

Видеоны Instagram желісіне жүктеген авторлардың айтуынша, бұл видое бірнеше ай бұрын түсірілген. Олардың айтуынша, сәбиді ұрып-соғып жатқан әйел Қарақалпақстанның тумасы және Алматы маңындағы "Алтын Орда" базарының маңында тұрған.

"Бұл сұмдық видеоны біз жақында көрдік. Қатыгез ана - біздің танысымыздың көршісі. Біз оны іздедік, сөйтсек ол көшіп кетіпті. Қазір ешкім де оның қай жақта екенін білмейді. Сәбидің тағдыры алаңдатады. Ол жүкті екен, жүктілігінің шамамен 8-ші айында", - деп жазды видеоны жариялаған Фариза есімді қыз.

Қазіргі уақытта видеодағы әйел жайлы мәліметтің барлығы құқық қорғау органдары қызметкерлеріне жіберілді.

 

СЛАБОНЕРВНЫМ НЕ РЕКОМЕНДУЕТСЯ СМОТРЕТЬ!!! Это шокирующее видео нам попало недавно. Чудовища мать соседка нашей знакомой, 8 летняя девочка сняла видео когда ее мама была на работе. Мы искали ее но оказалась она переехала, никто не знает ее место нахождение. Нас волнует судьба ребенка. Нам известно что она эмигрантка. Еще она беременна где то на восьмом месяце. Мы знаем ее только ф.и.о Курманбаева Айгул Кожабайевна. Девочку зовут Айару. Кого не волнует судьба этого ангела просим посодействовать нам в поисках ангелочка. Пожалуйста сделайте максимальный репост! @31arna @ktktv

Видео опубликовано Фариза (@bo_boskaaaa)


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай