Алматыдан оңтүстік-шығысқа қарай 524 шақырым жерде магнитудасы 4,5-ке тең жер сілкінісі болды, - деп хабарлайды Tengrinews.kz тілшісі ҚР БҒМ Ғылым комитетінің Сейсмологиялық тәжірибе-әдістемелік экспедициясына сілтеме жасап.
Сейсмологтардың мәліметінше, жер сілкінісі 26 желтоқсанда Астана уақытымен сағат 05.55-те тіркелді. Зілзала эпицентрі Қытайда болған. Тереңдігі - 10 шақырым. Зілзаланың энергетикалық классы - 9,7.
Еске сала кетейік, 23 желтоқсанда Талдықорғанда кешкі уақытта магнитудасы 5,1 болатын жер сілкінісі тіркелген еді. Оның эпицентрі Талдықорғаннан 4 шақырымда және Алматының солтүстік-шығысында 239 шақырымда болды.