Мектептегі төтенше жағдай: Қарағандының оқушылары оқу бөлмесіне түтіндету құтысын лақтырды

09 Сәуір 2015, 13:53
0
Мектептегі төтенше жағдай: Қарағандының оқушылары оқу бөлмесіне түтіндету құтысын лақтырды - ©guns.allzip.org
©guns.allzip.org

Қарағанды облысындағы орта мектептегі физика кабинетіне түтіндету құтысы лақтырылды, - деп хабарлайды Tengrinews.kz тілшісі білім беру мекемесі директорының оқу ісі жөніндегі орынбасарына сілтеме жасап. Бөлме ішінде оқушылар мен мұғалім болған. Оқиға 8 сәуірде болды.

Тоғызыншы сыныптың үш оқушысы мектепке қолдан жасалған түтіндету құтысын ішінде 10 оқушы мен психолог болған физика кабинетіне лақтырды. Оқушылар сыныптан жүгіріп шыққан. Мектепте болған төтенше жағдайға қарамастан, жалпы эвакуация жасалмаған.

"Оқушылар жәй ғана қызықтаған. Оқиғаның мән-жайын анықтау үшін олар аудандық білім беру бөліміне жеткізілді. Олар қашқан жоқ. Олардың оқу үлгерімі орташа", - деді директордың оқу ісі жөніндегі орынбасары. Қарағанды облыстық білім беру басқарма басшысының орынбасары Бақтыгүл Әдікенованың айтуынша, осы оқиғаға байланысты тергеу жүргізіледі. "Қызметтік тергеу міндетті түрде жүргізіледі", - деп хабарлады ол. Айта кетейік, төтенше жағдай дерегі бойынша құқық қорғау органдары да алдын ала тергеу шараларын жүргізеді. Оқушылар "кәмелетке толмағандарды қарауға беру" бұлтартпау шарасымен жіберілді.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай