+7 (777) 001 44 99
ПОДЕЛИТЬСЯ
ОҚО-да Ұлттық бірыңғай тестілеуден 73 ұпай алған оқушы асылып өлді, - деп хабарлайды "КТК" телеарнасы. Ордабасы ауданындағы Жусансай мектебінің түлегі Гүлдана Орынтай тестілеудің ертесіне өз-өзіне қол салды.
ОҚО-да Ұлттық бірыңғай тестілеуден 73 ұпай алған оқушы асылып өлді, - деп хабарлайды "КТК" телеарнасы. Ордабасы ауданындағы Жусансай мектебінің түлегі Гүлдана Орынтай тестілеудің ертесіне өз-өзіне қол салды.
Телеарна тілшілерінің мәліметінше, 1-2 пәннен төрті болмаса, кілең бестікке оқыған Гүлдана ұстаз болуды армандаған. ҰБТ-ға дейінгі сынақ тестілеулерде үнемі 85 балдан төмен жинамаған оқушы сынақтың өзінен 73 ұпай жинапты. Бірақ мұғалімдер суицидті тестпен байланыстырып отырған жоқ. 17 жастағы қыздың оқыс қадамға бару себебін енді полицейлер тексереді.
"Ол тестке кірердің алдында да, шыққанда да көңіл-күйі жақсы болды. Жақсы тапсырдым деп, шыққанда құттықтадық. Ешқандай қорқыныш мазасыздану болған жоқ", - деді Жусансай жалпы орта мектебінің психологы Динара Оразова.
Сонымен қатар, "Отырар" порталының мәліметінше, Леңгір қаласында ҰБТ тапсырып, оның нәтижесін естіген тағы бір түлек өз-өзіне қол жұмсамақшы болған. 18 жастағы Жансая Омбы техникалық университетіне түсіп үлгерді, алайда ол медициналық университетке түскісі келген. Бұл арманын орындау үшін ол 108 балл жинауы керек болған, түлек болса 91 балл ғана жинай алды.
Түлектің туыстарының айтуынша, емтиханнан кейін Жансая біраз жылап алып, кейін грант ала алмайтынына көнгендей болған. "Бәрі қалыпты болған, кеше ол үй жинады, тамақ жасады және... қорада асылып қалды. Ағасының келіп қалғаны жақсы болды, ол оны қорадан тауып алып, жіпті кесіп үлгерді. Ол өлім алдындағы хатын қалдырыпты, онда отбасы мен мектебін ұятқа қалдырғаны жайлы жазды. Бірақ ол ешкімді ұятқа қалдырған жоқ, ол жақсы көрсеткішке қол жеткізді", - деді Жансаяның әжесі Әлия Қыдырсықова.
Түлек ауыр жағдайда ауруханаға түседі. "Жасанды тыныс алу аппаратына қосылды, жан сақтау шараларын жүргіздік. Ол әзірше есін жиған жоқ, бірақ жағдайы тұрақты. Оның жолы болды, тағы 1-2 минут ілініп тұрғанда қаза болар еді", - деді жан сақтау бөлімшесінің жетекшісі Айдәулет Данияров.
Төле би аудандық прокуратурасы "Өзін-өзі өлтіруге итермелеу" бабы бойынша қылмыстық іс қозғады. Тергеу жүргізіліп жатыр.
