1. Басты
  2. Біл
  3. Оқиға
  4. Тосын жай

Оралда белгісіз біреу полицияға тұрғын үйге жарылғыш зат қойғанын хабарлаған15 сәуір 2019, 14:41

Бүгін таңғы уақытта Орал қаласының полицейлері Карев және Мұхит көшелерінің қиылысындағы аумақты қоршауға алды. Қазіргі уақытта жарылғыш зат қойылғаны туралы жалған ақпарат берген адам іздестіріліп жатыр, - деп хабарлайды "Уральская неделя" басылымы. 

"Таңғы 05:00-те "102" кезекші пультіне Махамбет ақын көшесіндегі тұрғын үйде жарылғыш зат қойылғаны туралы хабар түскен. Полиция дереу сол аймақта қоршауға алып, тексеріс жүргізген, алайда ақпарат жалған болып шықты. "Бомба" туралы хабарлаған адамның кім екені анықталып жатыр", - деді полиция департаментінің өкілдері. 

ПД баспасөз қыметінің өкілдері қоңырау шалған ер адам екенін айтады. Ол осы әзілі үшін ҚР Қылмыстық кодексінің 273-бабы ("Терроризм актiсi туралы көрiнеу жалған хабарлау") бойынша заң алдында жауап беретін болады.