1. Басты
  2. Біл
  3. Оқиға
  4. Тосын жай

Оралда студенттер жаппай төбелес шығарды 06 қыркүйек 2021, 17:59

Оралдағы студенттер төбелесі медициналық колледж жатақханасы маңында болған. Полиция факт бойынша соталды тергеу жүргізіліп жатқанын мәлім етті,
  • ПОДЕЛИТЬСЯ
  • Vkontakte
  • Facebook
  • Twitter
  • Одноклассники
  • Telegram
Новостью поделились: человек

Оралдағы студенттер төбелесі медициналық колледж жатақханасы маңында болған. Полиция факт бойынша соталды тергеу жүргізіліп жатқанын мәлім етті, - деп хабарлайды Tengrinews.kz тілшісі.

Оқиға орнында түсірілген кадрлар әлеуметтік желілерде таралды. Өңірлік полиция департаменті мәліметінше, 3 қыркүйекте кешкі сағат 22.00 шамасында Жәңгір хан көшесінде орналасқан медициналық колледж маңында жаппай төбелес болған.

"Полиция қызметкерлері бұл оқиғаға қатысқан барлық адамды анықтады. Олар істің мән-жайын анықтау үшін Зачаган полиция бөліміне жеткізілді. Бұл факт бойынша қазір ҚР Қылмыстық кодекстің 293-бабы 1-бөлігі "Бұзақылық" бойынша соталды тергеу басталды", - деді БҚО полиция департаментінің баспасөз қызметі өкілі.

Медициналық колледж әкімшілігі екінші курс студентін басқа оқу орынының студенттері ұрғанын мәлімдеді.

"Оқу орнымыздың күзеті дереу жедел медициналық көмек шақырған. Зардап шегуші өңірлік көпбейінді ауруханаға жеткізілген. Қазір жағдайы жақсы, сабақта", - деді Батыс Қазақстан жоғары медициналық колледжі директорының орынбасары Шынар Көбиева.

Сілтемесіз жаңалық оқисыз ба? Онда Telegram желісінде парақшамызға тіркеліңіз!



Join Telegram