15 сәуір 2021 12:53

Павлодар қаласының маңында монастырь өртеніп кетті

ПОДЕЛИТЬСЯ

Павлодар маңындағы ауылда әйелдер монастыры өртеніп кетті. Өрт сөндірушілер келгенше ғимарат ішіндегі адамдар сыртқа шығып үлгерген. Өрттің шығу себептері анықталып жатыр, - деп хабарлайды Tengrinews.kz тілшісі.


Павлодар маңындағы ауылда әйелдер монастыры өртеніп кетті. Өрт сөндірушілер келгенше ғимарат ішіндегі адамдар сыртқа шығып үлгерген. Өрттің шығу себептері анықталып жатыр, - деп хабарлайды Tengrinews.kz тілшісі.

Павлодар облысы ТЖД баспасөз қызметі өрт туралы хабарлама 14 сәуірде 22.11-де түскенін хабарлады. Өрт шатырдан шыққан. ​

"Петропавлдағы әйелдер монастырының бір қабатты кірпіш ғимаратында өрт шықты. 540 шаршы метр алаңда ағаш шатыр құрылымдары мен төбе жабыны өртеніп кетті", - деді ведомствоның баспасөз қызметі өкілі.

Куәгерлердің айтуынша, өрт шыққан кезде үй-жайда бірнеше адам болған, олар ауыл тұрғындарының көмегімен иконаларды шығарып үлгерген.

Посмотреть эту публикацию в Instagram

Публикация от Pavlodar oblysynyń ТJD (@pavlodar_tjd)

Өрт шыққан ғимараттан өртсөндірушілер 50 литрлік газ баллонын эвакуациялады.

Ведомство мәліметіне сүйенсек, ТЖД жеке құрамының 35 адамы мен 7 техникасы жұмылған. Сондай-ақ, оқиға болған жерге полиция қызметкерлері, қалалық электр желі қызметкерлері және дәрігерлер келген. Өрт 01.40-та жойылды.

"Зардап шеккендер жоқ. Өрттің шығу себебі мен шығын көлемі анықталып жатыр", - деді ТЖД баспасөз қызметі өкілі.

Өртенген ғимарат жарты ғасырдан аса уақыт бұрын салынған.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!

Как вам дизайн сайта Tengri News?
Пройти опрос
Читайте также
Join Telegram

Валюта бағамы

 449.3   483   4.85 

 

Ауа райы

 

Редакция Жарнама
Социальные сети