Павлодарда асфальт опырылып, бала жетектеген әйел бес метрлік шұңқырға түсіп кетті

03 Қазан 2016, 13:48
0
Павлодарда асфальт опырылып, бала жетектеген әйел бес метрлік шұңқырға түсіп кетті - "Типичный Павлодар" © vk.com
"Типичный Павлодар" © vk.com

Төтенше жағдай жолдың бойында 1 Май мен Лермонтов көшелерінің қиылысында болған. Жаяу жүргіншілердің жолымен өтіп бара жатқанда асфальт опырылып, нәтижесінде әйел баласымен бірге асфальттың астына түсіп кеткен. Оқиға орнына қалалық жедел қызметтегілер барды. Зардап шеккендер ауруханаға жеткізілген.

"Кәріз жүйесі коллекторында болған апаттың салдарынан асфальт опырылған. Опырылған жерде тереңдігі бес метр шұңқыр пайда болды. Қазіргі уақытта аумақ қоршауға алынды. Қажетті шаралар қолданылып жатыр", - деп хабарлады Павлодар қаласы әкімінің орынбасары Андрей Балашов.

Ал Павлодар облыстық Денсаулық сақтау басқармасындағылардың мәліметінше, зардап шеккен әйел - 58 жаста. Ал қасында болған оның төрт жасар немересі. "Зардап шеккендер ауруханаға жеткізілді. Әйелге гипертензия деген диагноз қойылды. Қыз болса дене зақымдары мен сынық алған. Ол қазіргі уақытта балалар облыстық ауруханасының травмотологиялық бөлімінде жатыр. Қыздың жағдайы орташа деп бағаланып отыр", - деді өңірлік Денсаулық сақтау басқармасының баспасөз хатшысы Махаббат Мұхамадиева.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай