Павлодарда вандалдар бес миллион теңгенің дәретханасын қиратты

16 Қаңтар, 09:25
0
Павлодарда вандалдар бес миллион теңгенің дәретханасын қиратты - © Tengrinews.kz
© Tengrinews.kz

Павлодарда вандалдар әкімдік өкілдері бес миллион теңгеге сатып алған қоғамдық дәретхананы қиратып кеткен, - деп хабарлайды Tengrinews.kz тілшісі "Астана" телеарнасына сілтеме жасап.

Телеарнаның мәліметінше, белгісіз біреулер дәретхананың есігін бұзып, ішіндегі заттарды сындырған. Салдарынан құбырдағы су қатып, дәретхананың іші көк мұзға айналған.

"Қазіргі уақытта дәретханаларды коммуналдық меншікке өткізу бойынша жұмыстар жүргізіліп жатыр. Бұдан кейін тазалау шаралары қолға алынады. Қазір қалада үш модульдік және бес стационарлық әжетхана бар. Вандализм деректерінің жиілеуіне байланысты модульдік дәретханалар апатты жағдайда", - дейді Павлодар қалалық ТҮКШ бөлімінің бас маманы Арман Құсайынов.

Еске салайық, құны 5 жарым миллион тұратын бұл дәретхана 2016 жылдың соңында қойылған еді. Үш кабинасы бар. Ортаңғысы ақша жинап, ішкі жағдайға жауап беретін күзетшіге арналған. Тұрғындарға ыңғайлы болу үшін дәретханаға коммуналдық желілер де тартылған еді. Кіріп-шығудың құны бастапқыда 20 теңге, кейін 50 теңге деп белгіленген болатын.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай