28 қазан 2021 | 11:11

Пенжімдегі төбелесте зардап шеккен баланың жағдайы айтылды

Жансая Қадыржанова Корреспондент

Алматы облысы Денсаулық сақтау басқармасы Пенжім ауылында жаппай төбелес кезінде зардап шеккен оқушының жағдайы туралы мәлімдеді, - деп хабарлайды Tengrinews.kz тілшісі.

Алматы облысы Денсаулық сақтау басқармасы Пенжім ауылында жаппай төбелес кезінде зардап шеккен оқушының жағдайы туралы мәлімдеді, - деп хабарлайды Tengrinews.kz тілшісі.

Жалғасы

■

ҚХА Пенжім ауылындағы арандатушылар туралы мәлімдеме жасады

28 қазан 2021, 11:58

Ведомствоның мәліметінше, 27 қазанда 2005 жылы туған мектеп оқушысы Панфилов ауданаралық көпсалалы ауруханасына түскен.

"Ашық бассүйек-ми жарақатына байланысты науқастың жалпы жағдайы ауыр. Диагнозы - бассүйек-мидың ауыр ашық жарақаты, оң жағы көгерген. 2-3-дәрежелі травматикалық шок алған. Есін біледі", - деп хабарланды.

Ведомство 27 қазанда сағат 20:00-де 102 пультіне Пенжім ауылында мектеп оқушылары арасындағы төбелеске қатысушылардың бірінің үйі маңына 30-ға жуық адам жиналғаны туралы ақпарат түскенін хабарлады.

"Бір топ адам бірқатар жекеменшік үй терезелерін, сондай-ақ бірнеше көлікті сындырған. Бұл дерекке қатысты ҚР Қылмыстық кодексінің 293 2-бөлімі ("Бір топ адамдар жасаған бұзақылық") бойынша қылмыстық іс қозғалды", - делінген хабарламада.

Еске салайық, ресми мәлімет бойынша, бұған дейін Алматы облысы Пенжім ауылының мектеп территориясында жаппай төбелес болып, 16 жастағы бала ауруханаға түскені хабарланған. Бұл дерек бойынша Қылмыстық кодекстің 106-бабы 2-бөлігі ("Екі немесе одан да көп адамға қатысты денсаулыққа қасақана ауыр зиян келтіру") бойынша қылмыстық іс тіркелген.