1. Басты
  2. Біл
  3. Оқиға
  4. Тосын жай

Полицейлер Ақтөбе кафесінде болған төбелестің мән-жайын айтты21 маусым 2018, 09:28

Видеодан алынған кадр Видеодан алынған кадр

Полицейлер қала кафелерінің бірінде төбелескен ер адамдарға қатысты тергеу бастады, - деп хабарлайды Tengrinews.kz тілшісі Ақтөбе облыстық ІІД баспасөз қызметіне сілтеме жасап.

Ер адамдардың арасындағы шыққан дау ұялы телефонның камерасына түсірілген. Видеодағы кадрларға қарағанда, олардың арасында дау шығып, кейіннен төбелеске ұласқан.

"19 маусымда қаладағы көңіл көтеру орындарының бірінде келушілер арасында төбелес шыққан. Осы дерек жайлы ішкі істер органдарына хабарланған жоқ, алаайда әлеуметтік желілерде видео тараған. Ақтөбе облыстық ІІД өкілдері ҚР Қылмыстық кодексінің 293-бабының 2-бөлігі бойынша сотқа дейінгі тергеу бастады. Қажетті тергеу шаралары жүргізіліп жатыр", - деп хабарлады Ақтөбе облыстық ІІД баспасөз қызметінің өкілдері.