1. Басты
  2. Біл
  3. Оқиға
  4. Тосын жай

Полиция Алматы-Бішкек тас жолында теріс жүрген той кортежінің жүргізушілерін жазалайды

Видео кадрлары Видео кадрлары

Полиция Алматы-Бішкек тас жолында теріс жүрген той кортежінің жүргізушілерін анықтады, - деп хабарлайды Tengrinews.kz тілшісі. 

Желіде той кортежінің қатысушыларының жеңіл және жол талғамайтын көліктермен бір-бірімен жарысып, жол қозғалысы ережесін өрескел бұзғаны түсірілген видеолар пайда болды.

Көліктердің бірінің мемлекеттік номері анық көрінеді - қара түсті Mercedes: 050TCA05. "Біз бұл видеоны зерттедік. Оқиға Алматы-Бішкек тас жолында болған, қазір қашан болғанын анықтап жатырмыз. Қара Mercedes көлігінің жүргізушісі анықталды, жол қозғалысы ережесін бұзғаны үшін ол жауапқа тартылады, шаралар қабылданып жатыр", - деп хабарлады ІІД баспасөз қызметіндегілер.