Пойыз төбесінде селфи жасамақ болған жасөспірім тірідей жанып кетті 27 желтоқсан 2021, 17:25
Таразда пойыз төбесіне шыққан жасөспірім электр тогы соғып, қаза тапты, - деп хабарлайды Tengrinews.kz тілшісі.
Әлеуметтік желілердегі мәліметке сүйенсек, жасөспірім селфи жасау үшін пойыздың төбесіне шыққан. Оқиға орнынан түсірілген кадрлар Желіде тарады.
Посмотреть эту публикацию в Instagram
Оқиғаға қатысты Көліктегі полиция департаментінің баспасөз қызметі пікір білдірді.
"Дерек ҚР Қылмыстық кодексінің 344-бабы 2-бөлігі ("Темiржол, әуе, теңіз немесе өзен көлiгi жүрісі немесе оларды пайдалану қауiпсiздiгi қағидаларын бұзу, абайсызда адам өлiмiне әкеп соққан дәл сол іс-әрекет") бойынша Тараз станциясындағы Желілік полиция бөлімінің соталды тергеп-тексерудің бірыңғай тізілімінде тіркелген. Тергеу амалдары жүргізіліп жатыр", - делінген хабарламада.
Басқа ақпарат ҚР Қылмыстық іс жүргізу кодексінің 201-бабына сәйкес тергеу мүддесінде жария етуге жатпайды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!