Қарағанды облысындағы Шахан ауылында белгісіз біреулер тоғыз жастағы баланы қылғындырып өлтірді, - деп хабарлайды Tengrinews.kz тілшісі облыстық ІІД баспасөз қызметіне сілтеме жасап.
Оқиға 13 сәуір күні кешке болған. Баланы ата-анасы іздестіре бастаған. Олар үшінші сынып оқушысының жоғалып кеткенін айтып, полицияға хабарласады. Кейін баланың денесі Шахан ауылының 53 жастағы тұрғынының үйінен табылды. Оқушының денесінен буындыру белгілері анықталды.
"Осы дерек бойынша ҚР Қылмыстық кодексінің 99-бабы 1-бөлігі - "Кісі өлтіру" бойынша сотқа дейінгі тергеу амалдары жүріп жатыр", - деді Қарағанды облысы ІІД өкілі Бақытжан Құдияров.
