25 желтоқсанда күндізгі уақытта Қарағандының орталық көшелерінің бірінде әйел адам қайтыс болды. Куәгерлердің айтуынша, әйел адам тайып құлап кетіп, орнынан тұра алмай қалған, - деп хабарлайды Tengrinews.kz тілшісі.
"Қайтыс болған әйелдің денесінде зорлық белгілер жоқ. Ол жедел жәрдем келгенше қайтыс болған. Осы дерек бойынша сараптама тағайындалды, өлім себептері анықталып жатыр", - деп хабарлады облыстық ІІД баспасөз қызметіндегілер.
Куәгерлер осы жағдайға көктайғақ пен түні бойы жауған жаңбырдың себеп болғанын айтады.
Сондай-ақ, әлеуметтік желі қолданушылары жолдарды төсеуге үлгере алмай жатқан коммуналдық қызметтегілердің нашар жұмысына наразылық білдіріп отыр. Қарағандылықтардың айтуынша, бүгін жұмысқа дейін жету қиындық туғызған.
