Қостанай облысының ТЖД баспасөз қызметінің мәліметінше, 8 ақпанда Қарабалық ауданы Елшанов ауылында жарылғыш зат табылған, - деп хабарлайды Alau.kz.
55 жастағы үй иесі гранатаға ұқсас затты шкафынан тапқан.
"Полиция қызметкерлері жүргізген арнайы шаралар барысында, затың жаяу әскерге қарсы қорғаныс үшін қолданылатын Ф-1 гранатасы екені анықталған. Оның сырты коррозияға ұшыраған. Ф-1 гранатасын ІІД қызметкерлері қауіпсіз жерде жарып, көзін жойды", - делінген ведомство баспасөз қызметі жіберген хабарламада.
Портал мәліметінше, зардап шеккендер жоқ.
