Қостанай орталығында такси жүргізушісі қызды қағып кетті, - деп хабарлайды Алау порталы. Жол-көлік оқиғасы 9 қарашада таңғы уақытта болған. 21 жастағы қызды Баймағамбетов пен Толстой көшелерінің қиылысында қағып кеткен. Бұл туралы оқиғаның куәгерлері айтып берді.
"Таңғы 07.45-те Баймағамбетов көшесінің бойында жаяу жүргіншіге арналған жолда қыз баланы қағып кетті. Бағдаршам дұрыс істемей тұрған. Жаңбыр. Көру мүмкіндігі төмен. Қыз бала асфальт жолда жатыр", - деп жазған куәгер.
Сәйкесінше бұл ақпаратты Қостанай облысы ІІД-нің баспасөз қызметіндегілер растап отыр.
"1995 жылғы қыз емдеу амбулаториясына жіберілген. Оны такси жүргізушісі қағып кеткен", - деді ведомстводағылар.
