Қырғызстанда қайтыс болған науқастар қазақстандық дәріні пайдаланбаған - дәрігерлер

?аза?станда?ы инфекция?а ?арсы препараттар ?ылыми орталы?ыны? басшылары ?ыр?ызстанны? Бас прокуратура ?кілдеріні? екі ?ыр?ызстанды? азаматты? туберкулезге ?арсы ?аза?станды? д?ріні пайдалан?аннан ?айтыс бол?аны туралы м?ліметті жо??а шы?арды, - деп хабарлайды Tengrinews.kz тілшісі.

Қазақстандағы инфекцияға қарсы препараттар ғылыми орталығының басшылары Қырғызстанның Бас прокуратура өкілдерінің екі қырғызстандық азаматтың туберкулезге қарсы қазақстандық дәріні пайдаланғаннан қайтыс болғаны туралы мәліметті жоққа шығарды, - деп хабарлайды Tengrinews.kz тілшісі.

Қырғызстан дәрігерлерінің қорытындысына сәйкес, екі науқастың бірі 2014 жылы, ал екіншісі 2016 жылы қайтыс болған. Олар туберкулез дертіне шалдығып, ауруы асқынғандықтан көз жұмған.

"Туберкулезден қайтыс болған науқастар ФС-1 дәрісін қабылдамаған", - деп мәлімдеген болатын халықаралық сарапшылар мен осы дәріні шығарғандар Алматыда өткен арнайы баспасөз конференциясында.

"Қырғызстанда қаза тапқан науқастар ФС-1 дәрісін емес, плацебо деген дәріні қабылдаған. Сондай-ақ, қаза тапқан науқастардың бірінде туберкулезге қарсы қолданылатын циклосерин мен протионамид дәрілерінің кері әсер бергені тіркелді. Туберкулезге қарсы қолданылатын дәрілердің көбісінің кері әсер беріп жататыны белгілі", - деп түсіндірді ҚР ұлттық ғылым академиясының академигі Марат Құлманов.

Айта кетейік, 2014 жылға дейін қазақстандық дәрі тек Қазақстан Республикасының аумағында зерттеліп, қолданылған. Ал 2014 жылдан бастап Қырғызстан Республикасының Денсаулық сақтау министрлігіндегілер ресми түрде өз аумағында ФС-1 дәрісін қолдануға рұқсат берді. "Осы уақытқа дейін Қазақстанда да, Қырғызстанда да ФС-1 препаратын қолданғаннан кейін кері әсер болған емес", - деп хабарлады сарапшылар.

Еске салайық, Қырғызстанның бас прокуратурасы елдің Ұлттық физиатрия орталығында пациенттердің өліміне әкелген қазақстандық туберкулезге қарсы дәріні заңсыз клиникалық сынақтан өткізу фактісі бойынша қылмыстық іс қозғаған болатын. Ведомство мәліметінше, ұлттық физиатрия орталығы мен дәрі-дәрмек және медециналық техникамен қамтамассыз ету департаментінің қызметтік тұлғаларына қатысты ФС-1 туберкулезге қарсы дәрісін заңсыз клиникалық сынақтан өткізу фактісі бойынша қылмыстық іс қозғалды. "Қырғыз Республикасының бас прокуратурасы Ұлттық физиатрия орталығы мен дәрі-дәрмек және медециналық техникамен қамтамассыз ету департаментінің қызметтік тұлғаларына қатысты ФС-1 туберкулезге қарсы дәрісін заңсыз клиникалық сынақтан өткізу фактісі бойынша қылмыстық іс қозғады", - делінген еді хабарламада.