Саудагерлер барахолкада шыққан өртті кеш хабарлаған - Алматы қалалық ТЖД

19 Тамыз 2016, 12:01
0
Саудагерлер барахолкада шыққан өртті кеш хабарлаған - Алматы қалалық ТЖД - © Әлішер Ахметов
© Әлішер Ахметов

Алматыда "Олжа" базарында шыққан өрт туралы мәлімет кеш хабарланған, - деп хабарлайды Tengrinews.kz тілшісі. Бұл туралы Алматы қаласы ТЖД "өрт сөндіру қызметі және апатты-құтқару қызметі" басшысының орынбасары Бағдат Шайзада хабарлады.

"2016 жылы 18 тамызда сағат 16.26-да "101" пультіне "Олжа" базарының қоймаларында өрт шыққаны туралы хабар түскен. 7 минут уақыт өткен соң оқиға орнына бірінші өрт сөндіру қызметтері жеткен. Олар қоймаларда ашық өртті көрген. Бұл хабарламаның кеш келіп түсуіне байланысты. Жалын өте қатты қарқынмен шарпып таралған. Өрт орнында адамдар заттарын аман алып қалуы үшін тұтынушылық тауарларды қауіпсіз жерге көшіріп жатқан. Қойылған көліктердің саны көп болған, өрт гидранттарында қысым аз болған. Өрт сөндірушілер келген кезде өрттің аумағы 1000 шаршы метрді құраған. Қаза тапқандар мен зардап шеккендер жоқ. Өрттің неден шыққаны анықталып жатыр", - деді ол.

Еске салайық, Алматы барахолкасындағы өрт 21.55-те толығымен сөндірілді. Тікұшақтар 35 рет әуеден су құйды, бұған 100 тоннадан аса су қажет болды. Өрт Астана уақыты бойынша 21.55-те толықтай сөндірілді. Өрт үш мың шаршы метр аумаққа таралды.  


© Әлішер Ахметов

Алматыда барахолка базарында шыққан өртті сөндіру үшін КА-32 тікұшағы жұмылдырылған. Оқиға орнында 360 адам және 50 техника жұмыс жасады. Еске салайық, 18 тамызда "Олжа" базарының қоймаларында өрт шыққан болатын.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай